Hið umdeilda Klámþing ( Löng lesning, lesa samt takk )

Siðgæðispostular þjóðfélagsins vilja ákveða hvað sé siðlegt fyrir okkur og hvað sé ekki. Að þeirra mati er klám ógeðslegt, ósiðlegt og bara fyrir perra. Svo er það nú einfaldlega ekki enda hugtakið klám mjög víðtækt. Klám er eitthvað sem flestir horfa á einhvern tíman á ævi sinni ( ekki einu sinni hörðustu rauðsokkur geta neitað því ), sumir oftar en aðrir. Það er auðvitað vinsælast hjá einhleypum karlmönnum en er einnig vinsælt meðal para og hjóna til að “krydda” upp ástarlífið.  Er hægt að dæma folk sem kaupir sér hjálpartæki ástarlífsins sem klámhunda eða perverta?  Það vilja ýmsir aðilar í þjóðfélaginu gera og fara nú offari í umræðu sinni um væntanlegt Klámþing í Reykjavík.

  

Staðreyndin er sú varðandi þetta klámþing að þarna er einungis hópur af fólki að koma í skemmtiferð til Íslands.  Reyndar starfar þetta fólk við klám, gætu verið vefstjórar, tæknimenn og hvað sem er.  Það er hvergi sannað að þetta folk stundi barnaklám, eða þaðan af verra.  Hvergi er sannað að þetta fólk ætli sér að fremja lögbrot á meðan dvöl þeirra á landinu stendur.  Fyrir mér er þetta bara eins og hver annar hópur af túristum, því skv. þeirra dagskrá þá gera þau lítið annað en 90% af öllum ferðamönnum sem koma til landsins.  Þ.e.a.s baða sig í  Bláa Lóninu, skoða Gullfoss&Geysi og kannski fá sér einn öl niðrí bæ.  Róttækir og öfgafullir feministar og siðapostular þessa lands hafa hinsvegar dæmt þetta folk fyrirfram með óumdeildum og yfirgenglegum hroka.  Sumir hafa gengið það langt að bera þessu fólki þungar sakir, saka það um barnaklámstarfsemi og annað þvíumlíkt án nokkurra sannanna.  Það er rógburður og illa sett fram.  Þetta fólk stendur í þeirri meiningu að þeir sem horfi á klám, leiðist síðar meir út í að horfa á /stunda barnaklám!!  Fólkið ( Siðapostularnir ) vill svo meina þessum hópi aðgangi að landinu.  Gott og vel það er þeirra skoðun en er það hægt lagalega? Nei alls ekki! Siðapostuli og forsætisráðherraefnið Ingibjörg Sólrún talaði um það á Alþingi að um væri að ræða siðræn viðhorf en ekki lagaleg!  Þannig að það ætti að banna þessu fólki að koma, ekki útaf lögum og reglum, heldur því henni finnst það ógeðslegt.  Fyrir óákveðinn kjósanda er það á tæru að flokkur með Ingibjörgu innanborðs fær ALDREI mitt atkvæði. ( Reyndar ætti að kjósa hana því hún er kona, það segja feministar, bara því hún er kona ) Svo hagar Ingibjörg seglum eftir vindum, gagnrýnir Frjálslynda flokkinn fyrir fordóma og rasisma í Innflytjendamálum en hvað er þetta annað hjá henni en fordómar og rasismi gegn fólki í klámiðnaðnum! ( Iðnaði sem í mörgum löndum er löglegur )  Hvernig er hægt að taka mark á henni? Vinstri Grænir taka svo undir þetta gaspur enda alltaf á móti öllu.  Hvað myndu þeir segja ef stjórnvöld myndu banna öllum erlendum umhverfisverndarsinnum að koma til landsins vegna þess að nokkrir slíkir stunda hér skemmdarverk og brjóta Íslensk lög?  Ætti ekki hið sama að gilda um þá og hina ógeðfelldu klámhunda?? 

   

Hef fylgst vel með umræðunni um væntanlegt “klámþing” hér á veraldarvefnum og tekið þátt í áhugaverðum samræðum t.d á bloggsíðu Sóleyjar Tómasdóttur, róttæks feminista. Hjá henni snýst feministminn um einræði kvenna en EKKI jafnrétti kynjanna. ( Lesið pistlana eftir hana )   Þeir sem hafa ekki sömu skoðanir og hún varðandi klámumræðuna eru rakkaðir niður og kallaðir öllum illum nöfnum af hinum sem deila ekki sömu skoðunum.  “Klámhundar, illa gefnir, ekki rétt þenkjandi,óþroskaðir, illa menntaðir og karlmenn sem engar konur vilja” Þetta eru fáeinar lýsingar sem ég skrifaði niður eftir að fólk sem setti fram athugasemdir og var því miður ekki á sama máli og róttækir feministar fengu baunað á sig.  Nú er t.d Sóley farin að eyða út athugasemdum sem hæfa ekki hennar skoðunum.  Ég persónulega bað hana einfaldlega um að rökstyðja, koma með sannanir og útskýra sitt mál.  Nei færslu minni var frekar hent út og engin svör bárust.  Kom ég þó undir nafni og var ekki með dónaskap né rembing.  En þeir sem eru ekki á sömu skoðun eru klámhundar og ómenni að mati þessa fólks. Punktur. Ég er enginn klámhundur og alls engin tepra.  Ég geri mér vel grein fyrir því að það viðgengst sumstaðar mannsal og barnaklám en það er ekki allur klámiðnaðurinn eins og hann leggur sig.  En öfgafullir siðgæðipostular landsins finnst það allt í lagi að bera klámframleiðendur saman við dópsala og vopnaframleiðendur, án þess að kynna sér nákvæmlega málin.  Það er misjafn sauður í hverju fé.

  

Ég held áfram að tjá mínar skoðanir um þetta mál sem og önnur, þrátt fyrir að vera ekki sammála öllum, enda væri ekkert gaman ef allir yrðu sammála.  Hinsvegar er það átakanlegt stundum að horfa uppá málflutning öfgaaflanna í landinnu, eins og gömlu kommanna og öfga feministanna.  Það er bara mín skoðun og veit ég til þess að einhverjir eru sammála.

   Endilega commentið, þeir sem eru mér ekki sammála þurfa ekki að búast við að skeytum þeirra verði eitt ( nema að þeir séu dónalegir og gangi út fyrir allt velsæmi ) bara endilega tjáið ykkur…  

Athugasemdir

[Íris Edda (IP-tala skráð) 22.2.2007 kl. 10:22]

HEYR HEYR! VÁ hvað ég er sammála þér. Þetta fólk er fólk eins og við og á alveg jafn mikinn rétt á að koma hingað eins og hverjir aðrir túristar, það eitt er víst, þetta er bara svo týpískt fyrir þetta blessaða þjóðfélag sem við lifum í! Mér finnst þetta hlátursvert hvernig íslenska þjóðin er að haga sér gagnvart þessu, gersamlega til háborinnar skammar. Þú ert að gera góða hluti Örvar.. haltu þessu áfram.. :) ps: hvað er slóðin á vefsíðu þessarar Sóleyjar?

[Örvar Þór Kristjánsson, 22.2.2007 kl. 10:36]

http://www.soley.blog.is/blog/soley

Þetta er síðan hennar, mjög áhugaverð

[Mofo (IP-tala skráð) 22.2.2007 kl. 10:40]

Ku Klux Klan = Nasistar = Al Qaeda = Vísindakirkjan = Feministar = Krossinn = allt öfgakenndir hópar af vanvitum sem æla útúr sér þröngsýnum skoðunum byggðum á fáfræði sem eiga sér engan rétt í samfélagi vitiborinna manna.

[Grétar Már Garðarsson (IP-tala skráð) 22.2.2007 kl. 10:41]

Djöfull, ég ætlaði að segja "HEYR HEYR", en jæja ég segi þá bara "ÓLE ÓLE ÓLE". Þetta er eins og skrifað úr mínu hjarta eða svona næstum. Þetta er allt rétt sem þú ert að segja kallinn minn og þessir stjórnmálaflokkar sem eru í minnihluta núna (stjórnarandstæðan) eru alltaf á móti öllu. Hvernig ætla þessir flokkar að stjórna heilu landi þegar þeir eru á móti öllu, það þætti mér gaman að sjá. Þetta eru einfaldlega vitleysingar upp til hópa og ef einhver Samfylkingar- eða Vinstri Grænnar stuðningsmaður er ósammála þá er það ekkert nýtt!

Haltu áfram blogginu kallinn minn og spurning hvort þetta blogg eigi aðeins að vera kurteisislegt eða hvort við fáum að sjá einhverja Liebe sögur

[maría (IP-tala skráð) 22.2.2007 kl. 10:55]

ég er algjörlega sammála þér, þetta eru fólk sem hefur stundað löglega businessi, kemur okkur ekkert rassgat við hvað þau gera eða hafa gert í klám iðnaðinum sem er löglegur, ekki frekar hvað hjón gera behind closed doors til að krydda aðeins upp kynlífið! þetta er bara út í hött, ekki er verið að spá í alla útlendinga sem koma hingað og eru að smygla eiturlyfjum eða hafa sakavottorð sem eiturlyfjasala og nauðgara !!!! ég trúi því að allt sem illt er komi frá öfsatrú og öfga liði! hatur , stríð , fordómar er það sem fylgir þessu fólki!!! af hverju er ekki gert meira mál úr dómskerfinu sem sleppa menn sem misnota, nauðga og fremja hrottaleg morð !

[maría (IP-tala skráð) 22.2.2007 kl. 11:00]

ekkert smá flott hjá þér örvar !!! keep it up....

[Guðmundur G. Hreiðarsson (IP-tala skráð) 22.2.2007 kl. 11:46]

Ég las þetta allt - mange tak. Ég er andvígur ofsóknum, sama í hvaða formi  þær birtast. Eru ofsóknir ekki ofbeldi? Þakka góðan pistil..

kv.

[Davíð Páll Viðarsson (IP-tala skráð) 22.2.2007 kl. 14:56]

Er sammála þér í þessum málum Örvar. Þú hittir naglann í höfuðið. Þakka fyrir pistilinn.

[ólöf (IP-tala skráð) 22.2.2007 kl. 21:07]

þetta er glæpamenn. Klám er glæpur i sinni verstu mynd.

[Ásthildur Cesil Þórðardóttir, 23.2.2007 kl. 12:07]

Já ég segi nú bara þetta er taka tvö frá minni hlið með múgsefjuninni um Frjálslynda flokkinn.  Svo sem ágætt að fá það upp á yfirborðið hvernig fólk getur hreinlega umsnúið öllum sannleika til að þjóna skoðunum sinum. 

Takk fyrir góðan pistil.

[Greta Björg Úlfsdóttir, 28.2.2007 kl. 14:35]

Það að þetta fólk sér að starfa í löglegum bransa finnst mér bera vott um algjölega bláeygt sakleysi hjá þeim löndum mínum sem gráta það að klámstjörnur fengu ekki hér inni á hóteli. Hið rétta er að þessi löglegi bransi er oftar en ekki einungis andlit (frontur) sem framleiðendur mun grófara efnis skýla sér á bak við.