Bönnum súkkulaði

Fann þennan snilldar kaldhæðnispistil á vefnum í morgun.  Vona að sá sem hann ritar sé sama að ég birti hann hérna.  ( Geiri heitir höfundur )  Þetta er svona á léttu nótunum. Hafið gaman af og góða helgi.

 

Eftir atburði gærdagsins er bara að stíga næsta skref og berjast á næstu vígstöðvum mannsals, barnaþrælkunnar og ofbeldis gegn börnum.  Eins og flestir (ættu) að vita veltir súkkulaðiiðnaðurinn margfalt meira en klámiðnaðurinn og 40 -50% af súkkulaði er ræktað í löndum þar sem gríðarlegt mannsal, þrældómur,fátækt og ofbeldi gegn börnum þrífst í skjóli þessa iðnaðar. Börnum er þrælkað út og þúsundir deyja á ári hverju vegna næringarskorts og ofþreytu. Við verðum að fá lög gegn framleiðslu, innflutningi og dreifingu á súkkulaði alveg eins og núverandi hegningarlög banna klám.  Ef slegin eru inn leitarorðin chocolate slavery í Google koma upp yfir 1 milljón vefsíður sem fjalla um þennan hræðilega iðnað. Það eru brotnar sálir sem leggjast í súkkulaðiát til að hugga sig m.a. vegna kynferðisofbeldis og fleiri andlegra vandamála.  Súkkulaði er auk þess óhollt því magni sem við íslendingar neitum þess.  Vandinn er sá að það getur verið erfitt að koma þessu brýna máli á dagskrá Alþingis, þar sem forseti Alþingis er einn helsti eigandi að stærsta súkkulaði framleiðslufyrirtæki Íslands Nóa Síríus.  Stöndum saman gegn súkkulaði.  Fáum Biskupinn og prestafélagið til að hvetja allt sannkristið fólk að neita ekki súkkulaði páskaeggja á helstu hátíð kristinnar trúar páskunum.  Feministar standið saman og komið þessu máli í gegn, baráttan er rétt að byrja.

Athugasemdir

[Katrín Anna Guðmundsdóttir, 23.2.2007 kl. 15:10]

Væri kannski fyndið ef ekki væri fyrir þá staðreynd að það eru heilmiklar aðgerðir í gangi vegna barnaþrælkunar í súkkulaði. Súkkulaðiframleiðendur, stjórnvöld, samtök gegn þrælahaldi, UNICEF og fleiri eru í bandalagi til að vinna gegn barnaþrælkuninni - sem í þessu tilfelli bitnar mest á ungum drengjum. Málið snýst reyndar ekki bara um barnaþrælkun heldur líka barnavinnu. Börn vinna langan vinnudag, komast ekki í skóla og eru látin vinna með eitruð efni (skordýraeitur) án nokkurra varna. Það komst í fréttir hér á litla Íslandi í fyrra þegar bandarískur þingmaður sagði að hann myndi ekki gefa konunni sinni súkkulaði á Valentínusardaginn út af barnaþrælkun í framleiðslunni...

[Katrín Anna Guðmundsdóttir, 23.2.2007 kl. 15:10]

Ps. gæti verið næsti markhópur fyrir ykkur sem viljið fara í baráttu gegn þeim sem berjast gegn klámi - getið næst valið þá sem berjast gegn barnaþrælkun í súkkulaðinu...

[Örvar Þór Kristjánsson, 23.2.2007 kl. 16:04]

Það eru líka aðgerðir gegn ofbeldisfullu og viðbjóðslegu klámi... amk vonar maður það.

Það finnst margt ljótt í heiminum og tvískinnungurinn er mikill.  Það göfuga starf gegn misrétti í heiminum er virðingarvert enda á miklu að taka.  Hinsvegar eins og við höfum rætt um áður þá fannst mér baráttan og krafturinn sem nýttur var í að bola þessari "klámráðstefnu" úr landi vera alls ekki þess virði.  Verið að gera úlfalda úr mýflugu.

En setti þetta svona inn til gamans en ætla núna að skella í mig einu Prins póló hérna í kaffinu.

Góða helgi öllsömul

[Sigga frænka (IP-tala skráð) 23.2.2007 kl. 22:14]

Góður pistill fyrir helgina  Það munaði litlu að ég fengi samviskubit með tölvuna í annarri og kassa af Hraunbitum í hinni! En ég er nokkuð örugg á að þau í Góu stundi ekki barnaþrælkun og því get ég haldið tilteknum hætti áfram án samviskubits.

Góða helgi!

[Jón Frímann (IP-tala skráð) 23.2.2007 kl. 23:13]

"Það eru líka aðgerðir gegn ofbeldisfullu og viðbjóðslegu klámi... amk vonar maður það."

Belgíska löggan var að handtaka yfir 100 manns og uppræta barnaklámshring um daginn.  Slóðin náði alveg til Íslands (var í fréttum). Í Belgíu er klám leyft eins og annarstaðar í Evrópu (nema á Íslandi, sem er íhaldsríki hið mesta).

[Íris Edda (IP-tala skráð) 28.2.2007 kl. 11:21]

Já það er nokkuð til í þessu.. en er það ekki bara með þetta eins og klámið, fólk getur bara ekki hætt að borða súkkulaði og horfa á klám! við erum soddan klámhundar.... eins og hann kristján okkar Ólafsson vildi orða það! hehe.. :) góður pistill..