Nýta sér réttinn

 

Það eiga allir að kjósa sem hafa til þess rétt.  Nýta sér réttinn sama hvort menn ætla að skila auðu eða þá jafnvel að kjósa VG eða Ómar  Þennan rétt ber að virða með því að mæta á kjörstað.  Býst við spennandi kosningarnótt enda benda kannanir til þess að kosningarnar verði tvísýnar.  Ætla rétt að vona það að á mánudaginn svífi ekki yfir okkur dimmt ský vinstri stjórnar...  Allir á kjörstað.

X-D

Nærri helmingur búinn að kjósa

Athugasemdir

[Geiri (IP-tala skráð) 12.5.2007 kl. 18:20]

Ég kaus Sjálfstæðisflokkinn og vona að hann leiði ríkisstjórnina, hinsvegar efast ég um að stjórnin haldi áfram óbreytt (vegna Framsóknar). Þá er spurning hvort Sjálfstæðisflokkurin geti leitt stjórn með öðrum? Held að það sé skárra en þriggja flokka vinstristjórn. En annars er sólin búin að vera sýnileg í dag, Siggi stormur segir að það sé gott fyrir hægri-menn.

[Geiri (IP-tala skráð) 12.5.2007 kl. 18:30]

Ég held að úrslitin verði þannig að D og S verði einu flokkarnir sem geti myndað tveggja flokka stjórn.. svo það eða þriggja flokka.

[Eyjólfur Kristinn Vilhjálmsson, 12.5.2007 kl. 19:00]

Ef það verður búið að þurrka þessa færslu hans Örvars út í fyrramálið þá hefur VG náð hreinum meirihluta og netlöggan hafið störf

[Örvar Þór Kristjánsson, 12.5.2007 kl. 19:40]

 snilld

[málefnanlegur (IP-tala skráð) 13.5.2007 kl. 03:15]

Það liggur beinast við að stjórnarandstaðan þreifi fyrir sér í stjórnarmyndun,þegar þetta er skrifað...enn á þó eftir að telja talsvert af atkvæðum,en eins og staðan er núna,þá getur allt gerst....gríðarlega spennandi og svakalega gaman.

 Hins vegar held ég núna,eftir nokkra bjóra, að ég sé á nákvæmlega sömu skoðun og ég var fyrir kosningar...þar að segja að Samfylking og Sjálfstæðisflokkur komi til með að mynda nýja ríkisstjórn.... Þó svo að stjórnin haldi,þá verður það svo naumt,að sú stjórn yrði vart starfhæf....eða hvað..vilja sjálfstæðismenn virkilega halda áfram starfinu með framsókn,þó svo að framsóknarflokkurinn sé að fá það beinlínis í þurrt rassgatið samkvæmt síðustu tölum???

Ég les það skýrt út úr þessum kosningum að fólk vill sjá breytingar,og losna við hækjuna sem framsókn er, út úr þessari ríkisstjórn... ég vil sterka ríkisstjórn .... og þar held ég að samfylking og sjálfstæðisflokkur sé það eina sem kemur til greina..kaffibandalagið er bara ekki nándar nærri trúverðugt og það vantar alla músík í það apparat...

 Sjáum hvað setur ....

Kv að norðan...málefnanlegur..

[Örvar Þór Kristjánsson, 13.5.2007 kl. 11:36]

Það er fátt annað sem virðist raunhæft í þessu en að D og S myndi stjórn.  Það verður að teljast líklegt.  Sigurvegarar þessara kosninga er Sjálfstæðisflokkurinn, bæta við sig 3% eftir 16 ár í stjórn.  VG bæta miklu við sig en úrslitin samt vonbrigði fyrir þá enda forkálfar flokksins að gæla við 20%....Íslandshreyfingin var eins og búist var við púðurskot og það var átakanlegt að fylgjast með Ómari veifa Sigmund úrklippunni sinni... Frjálslyndir standa í stað.  Framsóknarmenn verða að íhuga stöðu sína enda all hressilega skotnir niður.

[Hefner (IP-tala skráð) 13.5.2007 kl. 18:19]

segðu mér að þú hafir allavega strokað yfir Árna Johnsen Örvar minn ;)