Ítreka...HERINN HEIM

Sagði það um daginn og segi það aftur... herinn heim.  Wendys we miss u.

Er kalt stríð í vændum?

Athugasemdir

[Solveig Pálsdóttir (IP-tala skráð) 6.6.2007 kl. 16:12]

Endilega fáum heim til íslands her ríkisstjórnar sem hefur virt alþjóðalög einskis og heldur áfram að brjóta mannréttinda og alþjóðalög án haldbærra sannanna á saklausu fólki. Þennann her vil ég ALDREI sjá framar á mínu landi og mér þætti jafnvel ekki verra ef að ríkisstjórnin myndi endurskoða samband sitt við bandaríkjin.

[Ingvar Valgeirsson, 6.6.2007 kl. 19:30]

Er sammála því að fá herinn heim. Tindátar eru skemmtilegir.

Sólveig, hefði herinn ekki verið hérna væri þetta blogg líklega á rússnesku. Aukinheldur er ekkert joð í "Bandaríkin".

[Hulda (IP-tala skráð) 6.6.2007 kl. 22:09]

Herinn kom okkur úr moldarkofunum og gerði margt gott fyrir þjóðina.  Hefði gert ennþá meira ef ekki hefði verið fyrir helvítis kommana..

[málefnanlegur (IP-tala skráð) 6.6.2007 kl. 23:51]

ja hérna... sniðugt að ráðast á manneskju þar sem hún er veikust fyrir; stafsetningarkunnáttu hennar... ákaflega haldbær rök í þessari umræðu..þú getur verið stoltur af þér:)

 Eru menn virkilega svo veruleikafirrtir að halda því fram að allar þær framfarir sem átt hafa sér stað í þessu landi séu hernum eða BNA að þakka ?? Ætliði virkilega að segja mér,að þið trúið því í alvörunni að herinn hafi komið íslenski þjóðinni úr "moldarkofunum" ?? mætti ég biðja um meiri rökstuðning fyrir þessari vitleysu ??

 Ef menn hafa ekkert málefnanlegra fram að færa í þessari umræðu en að það sé hernum að þakka að við tölum ekki rússnesku eða að við búum ekki ennþá í moldarkofa, þá bendi ég mönnum bara á þá einföldu staðreynd að það er HÁSKÓLI Á ÍSLANDI og ég hvet þá sem eru svona þröngsýnir og fáfróðir að nýta sér þann möguleika sem nám er:)

Þessi umræða býður uppá skemmtilega möguleika..ekki eyðileggja það fyrir mér með svona bjánalegum kommentum :)

Bestu kveðjur að norðan...

[Örvar Þór Kristjánsson, 7.6.2007 kl. 08:52]

Því verður vissulega ekki neitað að viðvera Varnarliðsins gerði margt gott fyrir íslensku þjóðina.  Að koma okkur úr moldarkofunum er orðum ofaukið   Mér fannst gott að vinna hjá hernum og að vissu leyti verður söknuður af Varnarstöðinni.  Hinsvegar var það orðið tímabært að herinn færi og sem betur fer voru kjöraðstæður til þess nú í fyrra.  Uppbygging í Reykjanesbæ er gríðarleg og menn ætla sér að nýta tækifærið til hins ítrasta.  Framkvæmdir við Álver í Helguvík eru langt komnar, öll starfsemi flugvallarins eykst ár frá ári og svo eru spennandi hlutir að gerast á sviði menntamála fyrir sunnan.

Viðvera hersins er stór hluti af sögunni, amk okkar fyrir sunnan og það var margt gott sem fylgdi viðveru hersins.

[málefnanlegur (IP-tala skráð) 7.6.2007 kl. 09:05]

já þessu get ég verið sammála. Vera varnarliðsins á Keflavíkurflugvelli er orðin partur af sögunni. Vissulega mátti sjá gletta í áhrif hersetunnar á mannlífið á Suðurnesjum. Það var gaman að fylgjast með fjölbreytileika flórunnar,og upplifa þessi amerísku áhirf á sínum tíma. En eins og réttilega er bent á,; allt tekur endi um síðir og nú er því lokið.

 Vissulega fylgdi ýmis uppbygging þessu öllu saman,en því fer fjarri að ég sé svo þröngsýnn að áætla að þessi uppbygging hefði ekki átt sér stað ef herinn hefði aldrei verið hér. Horfum fram á við,en ekki til baka...þetta "reddast allt" :)

Bið ykkur vel að lifa og bestu kveðjur að norðan...

[Eðalmuggur (IP-tala skráð) 7.6.2007 kl. 16:11]

Övar minn

Þetta er ekkert mál. Við stofnum bara samyrkjubú þarna uppfrá og stundum þar frjálsar ástir fram eftir hausti. Bjóðum svo Yoko Ono í opinbera kynlífsheimsókn, reykjum okkur skakka og hvetjum allar konur til að láta brúskinn vaxa!

Lifi Sovét !!!!!!!

[Eðalmuggur (IP-tala skráð) 7.6.2007 kl. 16:14]

Sorry, átti að vera Örvar minn, reykurinn að trufla mig.

[Ingvar Valgeirsson, 7.6.2007 kl. 17:26]

Hjartans Málefnalegur - voðalega eru menn tens. Það má alveg færa rök fyrir því að þetta samtal væri á rússnesku ef ekki hefði verið fyrir herstöðina. Æði margir frammámenn fyrrum Sovétríkjanna hafa látið út úr sér opinberlega að Ísland hefði verið hertekið ef ekki hefði verið fyrir herstöð BNA á svæðinu.

Jú, svo veit ég vel að það er háskóli á Íslandi. Þeir eru meira að segja nokkrir. Og hvað?

Vera hersins gerði heilan helling fyrir land og þjóð. Ef ekki hefði verið fyrir hersetuna er ég nokkuð viss um að við værum mun aftar á listanum yfir ríkustu þjóðirnar.

[Örvar Þór Kristjánsson, 7.6.2007 kl. 19:12]

Eðalmuggur, þetta er sniðug hugmynd en mér flökrar við þá tilhugsun að bjóða Yoko Ono á opinbera kynlifsheimsókn, hehehehe  

[málefnanlegur (IP-tala skráð) 7.6.2007 kl. 23:37]

Hjartans Ingvar Valgeirsson :)

"Hjartans Málefnalegur - voðalega eru menn tens. Það má alveg færa rök fyrir því að þetta samtal væri á rússnesku ef ekki hefði verið fyrir herstöðina"

Ég skora þá bara á þig að færa rök fyrir því :)

"Jú, svo veit ég vel að það er háskóli á Íslandi. Þeir eru meira að segja nokkrir. Og hvað?"

Leitt að þú skulir ekki hafa séð broskallinn þarna á eftir þessari setningu minni og fattað íroníuna í þessu. En því verður ekki mótmælt að herinn gerði margt gott,en menn mega nú ekki missa sig í vitleysunni yfir þessu. Mér finnst þetta skemmtileg umræða,og er alls ekkert tens yfir þessu..alls ekki...mér finnst bara leiðinlegt að sjá góða umræðu fara forgörðum i einhverjum smábarna sandkassaleik. Annars á ég ekkert þetta blogg og stjórna því svo sem ekkert hvernig umræða fer hér fram:)

Bestu kveðjur að norðan...

[Ingvar Valgeirsson, 8.6.2007 kl. 15:27]

Lestu það sem ég skrifaði, málefnalegur - "Æði margir frammámenn fyrrum Sovétríkjanna hafa látið út úr sér opinberlega að Ísland hefði verið hertekið ef ekki hefði verið fyrir herstöð BNA á svæðinu."

[málefnanlegur (IP-tala skráð) 8.6.2007 kl. 21:06]

Sæll Ingvar...

 Ég las það sem þú skrifaðir,en átti bara alls ekki von á því að þetta væru þín tæmandi rök,enda afskaplega léttvæg. Það má með talsvert auðveldari hætti halda því fram að það hafi ekkert þurft að vera hér hérna,þó að við værum í NATO. Það hefði tekið t.d Bandaríkjamenn talsvert styttri tíma að koma hingað,heldur en Sovétmenn. Það tekur BNA nokkrar mínútur að fljúga hingað frá nálægustu flotastöð til dæmis.

Fyrir utan það,að það er ekkert sem segir að við hefðum farið að tala rússnesku þó svo að við hefðum verið hertekin af sovétríkjunum. Við vorum til dæmis hersetin af Bretum (án þess að biðja um það),og ekki fór landinn að tala ensku.

Annars eru þetta útúrsnúningar hjá mér....þetta er bara eitthvað svo fáránlegt,og heldur engu vatni. Þess má líka geta til gamans að frammámenn fyrrum Sovétríkjanna sögðu nú ansi margt,og hafa sagt síðan þá...án þess að því beri öllu að taka bókstaflega..þetta er eitt af því sem við fáum aldrei að vita..En eitt þykist ég alveg pottþéttur á. Sovétmenn hefðu aldrei komist upp með að hertaka Ísland án þess að aðrar þjóðir myndu skerast í leikinn.

Insjallah...málefnanlegur.

[Ingvar Valgeirsson, 9.6.2007 kl. 22:01]

Ég man nú ekki eftir að Sovétið hafi verið stoppað af þegar þeir innlimuðu hvert Evrópuríkið af öðru í þjóðafangelsi sitt. Andstæðingar þeirra í vestri aðstoðuðu andspyrnuhreyfingar, en réðust aldrei gegn þeim af ótta við kjarnorkustríð.

Hvað varðar einhverskonar tæmandi rök varðandi mögulega innrás Sovétsins hefur þetta verið umfjöllunarefni í fjölda fréttaskýringaþátta, sjónvarpsmynda, tímaritsgreina og svo framvegis. Þeir frammámenn fyrrum Sovétríkjanna, sem hafa talað um þetta, skipta tugum. Hinsvegar nenni ég að sjálfsögðu ekki að eyða heilu laugardagskvöldi í að gúggla í leit að heimildum varðandi málið út af internetblaðri við einhvern sem ég þekki hvorki haus né sporð á.

Þetta komment varðandi að landsmenn tækju upp rússneska tungu var að sjálfsögðu ekki bókstaflega meint. Þú skildir samt meininguna, tel ég.

[málefnanlegur (IP-tala skráð) 10.6.2007 kl. 22:49]

Jú skildi meininguna:)

 Látum þetta niður falla að sinni...tökum þráðinn upp að nýju...þá kanski segi ég þér frá bæði haus og "sporði" á mér..:)

 Insjallah...málefnanlegur

[Ingvar Valgeirsson, 11.6.2007 kl. 10:46]

Sporður... namminamminamm.